Skrítnar reglur !

Hér í þessu fallega landi brosfólksins er margt undarlegt.  Þegar kosningar eru, sem eru ansi oft þá loka allir barir og mikið af veitingahúsum í allt frá einum degi upp í þrjá.  Þessa helgina er allt lokað, ekki það að það breyti miklu fyrir mig en ferðamenn sem eru hér í fríi skilja hvorki upp né niður og eru reiðir.  Það lítur út eins og stjórninni sé sama um innkomu og afkomu veitingamanna, hvað þá ferðamanna er heimsækja Thailand.  Að vísu geta þeir er þekkja til drukkið og etið víða í húsasundum og fáförnum hliðargötum.  Annars er veðrið fínt, dálítill raki og heitt en landið er frábært, hvað þá fólkið.  Þetta er þó eitt besta landið sem ég hef búið í og hef þó ferðast víða.  Landið er að mestu sjálfum sér nógt og eitt það frjósamasta í heimi..
Geymi þig, Jari