Greiðsluverkfall Íslendinga !

Á fundum Hagsmunasamtaka heimilanna (HH) í Reykjavík, Selfossi og víðar í gærkvöld samþykkti félagsfólk ályktun um stuðning við greiðsluverkfall „fjölda Íslendinga.“ Verkfallið var samþykkt samhljóða á öllum fundunum. 

Málið er að það er ekkert að borga með því einfalt að borga ekkert og þarf ekkert að fjasa um það. Útrásarvíkingar sáum það ásamt stjórnvöldum er taka hverja ráðleysis ákvörðun á eftir annarri.

Samspillingar kerfiskellingin heilög Jóhanna hefur fundið hjá sér sérstaka þörf á að ráðast á heimilin með skattahækkunum svo miklum að heimilin geta ekki borgað okur skuldir sínar, ekki ekið fjölskyldu bíl sínum til vinnu né skutlað börnum sínum, ekki keypt inn fyrir heimilin né endurnýjað fatnað sinn. Þetta gerði Jóhanna forsætisráðherra vor skæl brosandi ásamt Steingrími fjármálasnilla, enda úthrópuðu þau og báru á torg, að staða heimillanna væri bara hreint ekki svo slæm. Þetta sýnir svart á hvítu, að stjórnin hefur ekki hugmynd um hvað gengur á hjá landslýð eða í heimilishaldi þjóðarinnar, enda á stjórnarpakkið nóg að bíta og brenna. Ekki fátæktin né skorturin þar á bæ, enda haldið fast í stólanna. Samspillingar kerfiskellingin heilög Jóhanna hefur nú þegar lagt fram frumvarp um lækkun launa aldraðra og öryrkja fyrsta júlí. En hún ætlar að hækka samkvæmt samkomulagi  Sa og Así laun launþega. Aldraðir og öryrkjar eiga rétt á sömu hækkun á lífeyri sínum og launþegar almennt fá á launum.  Ráðleysisríkisstjórnin verður að fara í hring, verður því að draga til baka launalækkun lífeyrisþega enda óhæfu verk að lækka laun á öldruðum. Allt annað eru ólög, ruglstjórninni ber að hækka laun lífeyrisþega 1.júlí  til samræmis við launahækkun launþega. þetta er þvílík endaleysa og vitleysa að hálfa væri nóg. Ég skil ekki hvað þetta stjórnarlið er að hugsa, enda geng ég ekki með þingmann né forsjárhyggju í maganum.

Tilvitnun í ályktun: Markmið greiðsluverkfallsins er að knýja fram breytingu, eða leiðréttingu eins og segir í ályktun HH, á húsnæðislánum vegna brostinna forsenda fyrir skilmálum þeirra vegna efnahagsþrenginganna. Í ályktuninni er markmiðin tíunduð nánar: „Lán sem hvíla á íbúðarhúsnæði með viðmiðun við gengi erlendra gjaldmiðla verði leiðrétt og yfirfærð í íslenskar krónur frá lántökudegi á gengi þess tíma. Verðtryggð lán sem hvíla á íbúðarhúsnæði verði leiðrétt þannig að að verðbætur verði að hámarki 4% á ári frá 1. janúar 2008. Lagabreyting leiði til þess að ekki verði gengið lengra í innheimtu veðlána en að leysa til sín veðsetta eign. Lagabreyting leiði til þess að við uppgjör skuldar fyrnist eftirstöðvar innan 5 ára og verði ekki endurvakin. Gerð verði tímasett áætlun um afnám verðtryggingar lána innan skamms tíma og vaxtaokur verði aflagt.“ Tilvitnun endar.

Við þessum gjörningum hefur Jóhanna sagt sem og smámennið Steingrímur J að væri bara kúgun á stjórnvaldinu, bankarnir og stjórnin myndu halda sínu striki og greiðslufall myndi bara koma heimilunum í kollin aftur! Já það er ekki uppá logið á þessa stjórn, að hún sé ekki með heimilin í huga, þegar ekki er verið að ljúga af þjóðinni, þá er henni hreinlega hótað, þeir/þau geta hótað eins og þeir/þau vilja! Það er einfaldlega ekkert til að borga með enda ekki eitt né neitt til að taka af fólkinu eða heimilum, já nema seigluna, dugnaðinn og stoltið er einkennir þjóðina okkar, það er eini auðurinn sem eftir er. Allt annað er veralegt, þegar farið já þjófstolið. Ráðleysisríkisstjórn er lifir eingöngu vegna skattahækkana, niðurskurðar, verðhækkana, eignarýrnunar í umboði AGS er ekki uppbyggileg stjórn, hún er niðurrifsstjórn í anda fyrrverandi stjórna ráðstjórnarríkjanna. Ég sem hélt að sá draugur væri löngu dauður!

                                                   Hlekkur í aðalsíðu HÉR 

Hagsmunasamtök heimilanna styðja greiðsluverkfall