Sjómenn æfa reiðir !

Ég er nokkuð viss um að nú hafi Steingrími Jóhanni tekist það ótrúlega ! Honum hefur loksins tekist að skíta í hattinn sinn og á þeim tíma er þjóðin má síst af öllu við því, sá gjörningur að ráðast á sjómannaafsláttinn er regin fyrra, enda mun það eingöngu hleypa illu blóð í sjómenn okkar á þessum tímum er við þurfum hvað mest á þeim að halda til að draga björg í bú, það er ekki mjög viturlegt að berja þann er fæðir mann. 

Sjómenn hreinlega sigla í land við þessa skatta hækkun, því þetta er ekkert annað en skatta hækkun á aðrar skattahækkanir ofan, t.d. kolvetnisskattur, hækkað olíuverð osf. Allt lendir þetta á endanum í launaumslagi sjómanna, er hafa ekkert í höndunum hvort veiðist eður ei, fyrir utan smánar tryggingu er nær varla fyrir leikskóla gjöldum eins barns í landi.

Hver segir að þeir muni veiða sama magn í næstu viku og í þeirri liðnu, engin veit hvað morgundagurinn dregur að landi, hvert verður gengið, fellur pundið eða evran, hvaða áhrif verða af falli Dubai ? Hvað með aflabrest eða gæftaleysi svo mánuðum skiptir ? 

Það eru fáar starfsstéttir er búa við eins mikið launa óöryggi og sjómenn, þeir dvelja langdvölum í burtu frá fjölskyldum sínum og geta ekki fylgst með eða gætt að öryggi barna sinna, fyrir þetta meðal annars fá þeir sjómanna afslátt þá er starfið oft á tíðum stórhættulegt. Þessu vill landkrabbinn gleyma enda sjóveikur um leið og hann lítur til hafs. Furðulegt með þetta pakk er lítur alltaf öfundar augum yfir til nágrannans og nú er það sjómaðurinn er loksins á fyrir pylsu og kók (þessa vikuna). Þetta er sama fólkið er heilsaði ekki einu sinni fyrir banka hrun ! Ég segi svei... 

Nei það er óðmanns æði að æra sjómenn á þessum ögurstundum.

Sjómenn verða ekki glaðir með að vera hýrudregnir og hugsanlegt að Skatt Grímur verð látin ganga plankann eða það sem verra er kjöldregin fyrir asnaskapinn, enda karlinn ótrúlega lagin að koma þjóðinni í boba, það er bara eins og þessi stjórn sé staðráðin í að koma þjóð okkar fyrir kattarnef. 

Þá segir í frétt á Rúv: Sjómenn bregðast hart við boðuðu afnámi afsláttarins, það yrði einhliða kjaraskerðing. Sjómannafélag Íslands hefur ályktað gegn þessum hugmyndum og boðar að verði þeim hrint í framkvæmd, muni félagið hvetja sjómenn til að leggja niður störf án fyrirvara og sigla í land. Þá hefur Farmanna- og fiskimannasambandið ályktað gegn þessu líka.
Konráð Alfreðsson segir að tillaga fjármálaráðherra um afnám sjómannaafsláttarins hafi komið aftan að sjómönnum. Konráð Alfreðsson, formaður Sjómannafélags Eyjafjarðar, segir sjómönnum vera afar heitt í hamsi yfir áformum ríkisstjórnarinnar um afnám sjómannaafsláttarins.

Steingrímur Jóhann ætti að finna sér annan og hentugri stað til að leggja afsér nýja skatta!

Skora á þig að skora á forseta Íslands! 

Áskorun til forseta Íslands:

Þjóðaratkvæðagreiðslu um ný Icesave lög

InDefence slóð HÉR

Slóð í forsíðu og fleiri greinar: HÉR  !

Sjómenn vara stjórnvöld við

Athugasemdir

[Jón Ingi (IP-tala skráð) 29.11.2009 kl. 17:53]

Þetta er mögnuð grein hjá þér karlinn og mikið rétt sem þú segir