Stefnir í stjórnar byltingu í Thailand um næstu helgi ?

Það er margt er kemur spænskt fyrir sjónir í Thailandi, kannski betra að orða það sem svo að það ermargt er kemur "Thai" fyrir sjónir í Thailandi enda mjög sérstök þjóð.

Það nýjasta er að fylgismenn fyrrverandi forsætisráðherra Thaksin Shinawatra hyggja á fjölda samkomur víða um Thailand og þá aðallega í Bangkok.

Áhangendur Thaksin eru ávalt klæddir í rauðar skyrtur og slást gjarnan við andstæðinga sína er klæddir eru í gular skyrtur enda fer ekkert milli mála hver er hver allt eftir settum reglum að Thai sið.

Nú vill svo til að það eru þrjú ár síðan fyrrverandi forsætisráðherra Thaksin var settur af í byltingu er hann skrap á þing Sameinuðu þjóðanna og hefur dvalið í útlegð síðan.

Það merkilega við boðuð mótmæli er að sumir telja að þetta sé einfaldlega dulbúin bylting, enda nú fersitjandi forsætisráðherra úr landi og til New York á fund Sameinuðu þjóðanna og segist sitjandi forsætisráðherra hvergi vera bangin, enda segir settur lögreglustjóri að allt verði í himnalagi. Settur já enda sá fyrri talin handgengin Thaksin og á móti starfandi stjórn.

Það er einnig talið að þetta sé úrslitar tilraun Thaksin til að ná völdum og snúa heim án þess að verða dæmdur í fangelsi eða þaðan af verra "skotin".

Til marks um hitann í þjóðfélaginu þá skrapp ég um daginn í næsta bæ Jomtien og varþar allt troðið af æpandi rauð skyrtum semog lögreglu í óeirðarbúningum full vopnaðir og hafði nær lokað allri umferð til og frá Jomtien.

Þá hafa yfirvöld gefið út að þau munu ekki líða óeirðir í Pattya eða Jomtien eins og urðu í vor, en þá voru sett neyðarlög í Pattya borg. Það er náttúrulega öllum ljóst að svona yfirlýsingar halda hvorki vatni né vindi.

Allavega tókst þeim að eyðileggja matarsamsæti okkar Stormskers og nokkra Ísendinga er neyðarlög voru sett með þeim afleiðingum að borðhald var bannað, enda máttu ekki fleiri koma saman en fimm.

Ég hef alltaf haldið að stjórnabyltingar ættu að koma á óvart, en þekkjandi Thailendinga og kurteisi þeirra þá er það kannski ekkert svo undarlegt að boða að á laugardaginn 19.09.2009 verði framkvæmd stjórnarbylting.

Hitt er svo vandséð hvar mun herinn og lögreglan standa er ballið byrjar, það veit engin enda mikil órói innan hers semog löggæslu.

Það verður fróðlegt að sjá hverju fram vindur og held (vona) að ekki sé mikil hætta hér á ferðum fyrir túrista eða almenna ferðalanga, enda hafa Thailendingar yfirleit þann siðá að slást innyrðist eða við her og lögreglu.

Til að bæta gráu ofan á svart þá hafa gulu skyrturnar boðað mótmæli um sömu helgi, þá ætla þeir einnig að fara að landamærum Cambodiu og skammast yfir fornu musteri er stendur rétt við landamærin Thailands megin, en Cambodiu menn telja sig eiga musterið, þarna hafa orðið smá hernaðar skærur undanfarið milli herja landanna og saka hvor annan um upptökin, þetta getur þó verið yfirskin til að blanda sér í mótmæli hjá rauð skyrtum. 

Í gær tóku rauð skyrtur sig til og gerðu árás á bílalest forsætisráðherrans vopnaðir fisk og vatnsflöskum er þeir grýtu bílalestina með. 

Is History Going to Repeat Itself? READ

Slóð í forsíðu Bloggs + fleiri greinar HÉR

Athugasemdir

[Árni Karl Ellertsson (IP-tala skráð) 14.9.2009 kl. 16:54]

Sæll Einar,hvað er þetta með þessar rauðskyrtur,aldrei friður fyrir þeim?.Er TAXI að skemma matarboð fyrir þér,sveiattan.

[Einar B Bragason , 15.9.2009 kl. 02:54]

Hehe þetta var í vetur/vor og við ætluðum að borða í einhverju party hjá Toni´s food jard en það var bannað vegna neyðarlaga ekkert party og við borðuðum einn og einn í hóp hahaha sáum bara læti tilsýndar enn ekkert er plagaði einn né neinn... þá ætlar forsætisráðherra að skip 3 nýja löggustjóra er munu vera hliðhollir honum, það væri óskandi að löggan heima færi að taka í ****** á Jóhönnu !!! :=) kv.. farinn í sund...

[Óskar Arnórsson, 16.9.2009 kl. 07:57]

Góður eins og venjulega! Ég henti öllum rauðum og gulum skyrtum í öryggisskyni...