Það á ekki af forseta vorum að ganga er hann skreppur á bak.

Ólafur virðist þeim ósköpum gæddur að geta ekki hangið á baki svo vel sé, ég veit þó ekkert hvernig hann ber sig að, eða hvernig reiðmaður Ólafur Ragnar er. Þetta glæsilega fall bar að með svipuðum hætti og fyrir 10 árum þegar Dorrit hlúði að manni sínum eins og nú, hann mun vera axlarbrotinn.

Það skiptir miklu máli hvernig Ólafur ríður, hvort hann ríði hart eða hægt og ljúflega eða fylgist að með öðrum í hópreið, síðan er það náttúrulega stóra spurningin, var vel valið undir Ólaf ? 

Megi Ólafur ná bata hið fyrsta og legg ég til að hann leggi af glæsilega reiðmennsku um sinn, eða stundi þær framvegis heima við enda stutt í hjálp, ef leggja þarf hann inn.

 

P.S.  Hesturinn heitir Glæsir og er hann í góðu standi eftir slysið. Honum varð ekki meint af.

Slóð í forsíðu og fleiri greinar: HÉR  !

Slóð í myndbanda síðu: HÉR

Ólafur Ragnar slasaðist