Er Sportacus eða Íþróttaálfurinn þreyttur ?

 Ekki skildi mig undra að kallinn hann Maggi álfur sé orðin ansi þreyttur á þessu hoppi enda hoppandi hvar sem ég kem um heiminn, Ekki get ég opnað sjónvarpstæki í neinu landi er ég hef lagt leið um undanfarin ár, að ég detti ekki um þátt með Sportacus á kapalkerfum hótela sem og í heima húsum. Ég stend mig oft að því að festast og horfa á álfinn um stund, hversvegna jú þetta er Íslenskur álfur og velheppnaður álfur sem og markaðsvara.Þættirnir hefðu ekki náð svona langt nema fyrir það eitt hér er vandaður sjónvarps þáttur á ferðinni er kitlar Íslendinginn í mér með stolti.

Skoskar húsmæður í smábænum Hamilton á Skotlandi urðu heldur betur hvumsa þegar þær mættu með börnin sín og ætluðu að leyfa þeim að sjá hetjuna þeirra úr sjónvarpi; Sportacus eða Íþróttaálfinn. Samkvæmt skipulagðri dagskrá mikillar matarhátíðar átti Sportacus að mæta á svæðið og sýna listir sínar. Mæðurnar létu ekki rigningu á sig fá enda krakkarnir alveg óðir af spenningi yfir því að sjá íslensku ofurhetjuna. „Við urðum alveg rosalega reiðar þegar við sáum að þetta var ekki Magnús Scheving heldur einhver ástralskur táningur í ljótum búningi með yfirvaraskegg sem var alltaf að detta," segir Mairi Breen í samtali við staðarblaðið The Hamilton Advertiser. Vísir segir frá því á vefsíðu sinni að Skoskar húsmæður hafi ekki haldið vatni fyrir reiði er þær fengu ekki að sjá kyntröllið Magnús Scheving og þótt súrt í broti að þurfa standa í grenjandi rigningu og hávaðaroki til að horfa á einhverja eftirlíkingu. Hvort voru það börnin er drógu mæðurnar á hátíðina, eða voru það mæðurnar er drógu börnin ?