Frederic Hauge og fleiri hættir að sofa vegna OLÍU vinnslu á Drekasvæðinu !?

Einni viku áður en Íslendingar fengu fyrstu tilboð í Drekasvæðið tók ríkisstjórn Noregs fyrsta skrefiðtil að opna á olíuvinnslu á norska hluta Jan Mayen svæðisins.

Umhverfissamtök í Noregi segja þetta hneyksli og boða alþjóðlega baráttu gegn áformum um olíuvinnslu á svæðinu. Norðmenn ætla þó að friða næsta nágrenni Jan Mayen en bjóða eyjuna undir þjónustumiðstöðvar við olíuleit.

Samkvæmt samkomulagi ríkjanna eiga Norðmenn rétt á að nýta 25% af því sem finnst á hluta Drekasvæðisins Íslandsmegin og Íslendingar eiga 25% nýtingarétt á enn stærra svæði Noregsmegin. Ákvörðun norsku stjórnarinnar gæti því því haft mikla efnahagslega þýðingu fyrir Íslendinga í framtíðinni finnist þar olía á annað borð.

Ákvörðunin er í norskum fjölmiðlum skýrð með því að Íslendingar hafi þegar ákveðið að leyfa olíuvinnslu á Jan Mayen hryggnum. Olíumálaráðherra Noregs, Terje Riis Johansen, undirstrikar þó að ekki sé sjálfgefið að ferlið leiði til þess að olíuboranir verði leyfðar. 30 kílómetra hafsvæði umhverfis Jan Mayen verður friðað en tekið fram að það komi ekki í veg fyrir að leyft verði að setja upp þjónustumiðstöðvar á eynni. Norðmenn ætla þannig ekki að láta Íslendinga eina um að njóta tekna af þjónustu við olíuleit á Jan Mayen-svæðinu. Vísir.is sagði frá meira hér: smelltu á mig Ég tel það hið besta mál og kannski afar nauðsynlegt að fá sem mesta umfjöllun á öldum ljósvakans, við þurfum að sína heiminum að þjóðin sé langt frá því að vera þurfalingar, öll umfjöllun um Ísland og olíu er besta lækningin á illu niðurtali um Ísland. Það er nefnilega þannig að engin vill þekkja þann sem blankur er en allir hænast að andhverfunni (Ríkidæminu) þannig er nú mannlegt (ó)eðli. Þá má afla gjaldeyris tekna af þessum vitringum sem og pressunni er ávalt fylgir þessu fólki eftir. Ekki held ég að truflanir verði á leit eða vinnslu enda svæði norður í ballarhafi. Ef allt gengur eftir verður gaman að vera Íslendingur á ný með endurheimt traust og æru. Gæfan fylgi okkur ávalt.