Fylliraftur tók þátt í brunaútkalli, frétt á mbl.is

Fylliraftur tók þátt í brunaútkalli. Fleiri þýskum slökkviliðsmönnum brá heldur betur í brún er þeir sáu að mjög ölvaður maður hafði slegist í hópinn með þeim er þeir voru í miðju brunaútkalli.

Maðurinn var klæddur í slökkviliðsgalla með hjálm á höfði. Að sögn lögreglu þaut maðurinn, sem er 38 ára, á slökkviliðsstöðina þegar hann heyrði brunabjölluna hringja. Á slökkvistöðinni aðstoðuðu grunlausir slökkviliðsmenn manninn við að klæða hann í hlífðargalla. Í framhaldinu fór maðurinn inn í næsta slökkviliðsbíl sem var tilbúinn. Þegar slökkviliðið kom á staðinn áttuðu menn sig fljótlega á því hvað væri á seyði og kölluðu eftir aðstoð lögreglu. „Þegar eldur kviknar, þá eiga allir að leggjast á eitt,“ sagði maðurinn við lögregluna er hún spurði hann hvað hann hefði verið að gera. Maðurinn var látinn sofa úr sér á lögreglustöðinni og var sleppt í framhaldinu. Hann verður ekki ákærður fyrir athæfið. Þessi hlýtur að vera náskyldur mér hahhaha

Athugasemdir

[Sigrún Sigurðardóttir, 14.7.2008 kl. 09:23]

Bara mjög samviskusamur borgari þarna á ferðinni

[Óskar Arnórsson, 19.7.2008 kl. 05:36]

Gott hjá honum að hjálpa til..