Valentínusardagur ! Hver var eiginlega Valentínus ?

Sendi þeim er halda upp á Valentínusar daginn bestu kveðjur !

Valentínusdagur eða Valentínusardagur (14. febrúar)

Heilagur Valentínus er nafn yfir tvo, eða jafnvel þrjá, píslarvotta í sögu kirkjunnar.

Annar var rómverskur prestur og læknir sem varð fyrir barðinu á Kládíusi II, Rómakeisara, í ofsóknum hans á kristnum mönnum.

Hinn var biskupinn af Terní á Ítalíu. Mögulegt er að sögurnar af þessum tveimur mönnum eigi uppruna sinn í einum og sama atburðinum en hafi brenglast í gegnum tíðina.

Um þriðja manninn er lítið vitað annað en að hann á að hafa dáið í Afríku.

Heimildir eru sem sagt óljósar og ekki hægt að segja nákvæmlega til um hvenær Valentínus dó, hvort sem hann var einn maður, tveir eða þrír.

En sennilegt tímabil er valdatími fyrrnefnds Kládíusar II, 268—270 eftir Krist. Og Valentínus var kristinn.

Valentínusardagur sem svo er nefndur og haldinn hátíðlegur sem dagur kærustupara á uppruna sinn í Evrópu á 14. öld.

Síðar virðast Bandaríkjamenn hafa verið einna iðnastir við að halda uppi merkjum þessa dags. Hefðir í kringum daginn, sem að nokkru leyti hefur rekið á fjörur Íslendinga, virðast ekkert hafa að gera með dýrlingana sem báru nafnið Valentínus. 

Engin tengsl eru milli dýrlinganna og þeirrar hefðar sem náð hefur talsverðri útbreiðslu, að piltar og stúlkur skiptist á ástleitnum kveðjum þennan dag.

Um uppruna þess siðar er lítið vitað.

Þá er mjög skammt síðan hann náði fótfestu á Íslandi.

Sendi vinkonum mínum nær og fjær kærar kveðjur í tilefni dagsins þá sérlega dætrum mínum og kæru Lindu, Bee og án þess að gleyma Huldu. 

Heimildir Almanak Háskóla Íslands, Britannica.com og fleiri

Slóð í forsíðu og fleiri furðu greinar: HÉR  !